Tarucing Garing Tribute Bodoran to Kang Ibing

Rampog

Kacaritakeun aya hiji jalma anu biasa mawa duit ka kota, di tengah jalan éta jalma téh dipegat ku rampog. Éta kubisa-bisana, manéhna nenangkeun diri. Manéhna ngomong, “Rék naon maranéh kikieuan? Marawa bedog, marukan aing sieun?”
Réngréngan rampog ngagebeg. “Sok kadék!” ceuk si nu mawa duit téh. Rampog malundur sieuneun.
"Sok kadék! Teu wani ti hareup, sok nukang!" rampog kabéh nukangan. Saenggeus rampog-rampog narukangan, nya atuh jalma nu mawa duit teh kabur.

“Bodor rampog téh ich..”

Jawara

Di hiji jambatan aya dua jawara paamprok. Di tengah-tengah jambatan, maranéhna jiga nu rék ribut (gelut).

Jawara 1: Manéh apal ieu naon?

Jawara2: Bedog! (Bari langsung ngaluarkeun batu asahan)

Jawara2: Rék ngasah?

Jawara 1: Sabaraha?

Jawara2: Gocéng!

Jawara 1: Sok.

Saenggeus bedog si Jawara1 bérés diasah, dua jawara tuluy ngaraléos.

Jawara1: nuhun euy…!

Jawara2 : Sawangsulna......

***
Ditulis ku
Givani Cursedname 
jeung Utom Aep)

Diédit ku
Andi Gita Lesmana

Didukung ku

Tim tarucing garing.